كرده‌یا په‌یماندانێ د كورته چیرۆكا باژێرێ ژێر زه‌ميندا
:
https://doi.org/10.56422/ka..53.128:
كرده‌يێن ئاخڤتنێ، كرده‌يا په‌یماندانێ، كرده‌يێن كرده‌يا په‌يماندانێ، كورته چيرۆكپوختە
په‌یماندان كرده‌یه‌كا گرنگه ژ كرده‌یێن ئاخڤتنێ و بابه‌ته‌كێ گرنگ يێ پراگماتيكێيه، ئه‌ڤ كرده‌يه زێده‌تر پێگیريیا ئاخڤتنكه‌ریيه بۆ ئه‌نجامدان یان ئه‌نجام نه‌دانا كاره‌كی. ئه‌ڤ ڤه‌كۆلینه ب ناڤونیشانێ (كرده‌یێن په‌یماندانێ د كورته چیرۆكا باژێرێ ژێر زه‌مین)دايه. د ئه‌ڤێ ڤه‌كۆلينێدا هه‌وڵ هاتيه دان، كو كرده‌یێن په‌یماندانێ ل دویڤ مودێلا (ئوستن)ی بهێنه به‌حسكرن و ل سه‌ر كورته چیرۆكا (باژێرێ ژێر زه‌مین) يا (ئیسماعیل هاجانی)، بهێته پراكتیككرن. ئارمانجا سه‌ره‌كى ژ ئه‌ڤێ ڤه‌كۆلينێ ئه‌وه، كو هه‌ر كرده‌یه‌كا په‌يماندانێ د كورته چيرۆكا ناڤبريدا بهێنه ده‌ستنيشانكرن. ديسان كرده‌يێن په‌يماندانێ يێن ڕاسته‌وخۆ و نه‌ڕاسته‌وخۆ و شێوازێ ئامارێ و ڕێژه‌یا ئه‌وان يا سه‌دى بهێنه دياركرن . زێده‌باری پێشه‌كی و ئه‌نجام و لیستا ژێده‌ران، ئه‌ڤ ڤه‌كۆلینه ژ دوو پشكان پێكدهێت، پشكا ئێكێ هاتييه ته‌رخانكرن بۆ زاراڤ و تێگه‌هـ و تايبه‌تمه‌ندى و ئه‌ركێن كرده‌یا په‌یماندانێ، پشكا دوویێ هاتييه ته‌رخانكرن بۆ كرده‌يێن كرده‌يا په‌يماندانێ ل دويڤ مودێلا (ئوستن)ى و ل سه‌ر كورته چيرۆكا ناڤبرى هاتييه پراكتيككرن و ئامارا وێ هاتييه دياركرن
