ڕۆلێ جه‌رجیس فه‌تحوڵڵای د ڕێڤه‌برنا ڕۆژنامه‌گه‌ر‌یا عیراقیدا 1949- 1958
:
https://doi.org/10.56422/ka..54.244:
جه‌رجیس فه‌تحوڵلا، رۆژنامه‌گه‌ری، الروافد، صدی الروافد، الرائدپوختە
رۆلێ جه‌رجیس فه‌تحوڵلای دبوارێ نڤیسین و رێڤه‌برنا رۆژنامه‌گه‌ریا عیراقی و كوردیدا، زۆر كاریگه‌ر بوو، چونكه بۆ ده‌مێ نێزیكی نیڤ چه‌رخی كاركریه، هه‌روه‌سا وه‌ك ره‌وشه‌نبیره‌كێ لیبرال هه‌ولدایه گوهورینه‌كا ریشه‌یی ورادیكالی دهزر وكه‌توارێ چڤاكێ عیراقیدا بكه‌ت، دیسان وه‌ك كه‌سه‌كێ پێشگه‌فتیخواز پێكول كریه ب رێكا رێڤه‌برن و به‌لاڤكرنا سه‌رگۆتار و گۆتار و بابه‌تێن خۆ د چاپه‌مه‌نیا عیراقیدا، ئه‌و ئازادی و مافێن مرۆڤی یێن ل ئه‌وروپا هه‌ین، نیشا خوانده‌ڤانێن عیراقی بده‌ت، و ب راشكاوی و راستكویی و ب سه‌ركه‌فتیانه باسی راستیا كه‌توارێ سیاسی یا عیراقێ كریه، هه‌روه‌سا وه‌ك كه‌سه‌كێ دیموكرات هه‌رده‌م پشته‌ڤانیا سیسته‌مێ دیموكراتی بۆ عیراقێ كریه، و ب وێره‌كی باسی چه‌سپاندنا دیموكراتیه‌تێ كریه، ئه‌ڤجا حكوومه‌تێ قه‌بوول كربیت یانژی خۆ بێده‌نگ كربیت، ئه‌وی هه‌ر بیروباوه‌ر ب دیموكراتیه‌تێ و یه‌كسانی یێ هه‌بوو، دیسان رۆله‌كێ باش درێڤه‌برنا هه‌ر سێ رۆژنامه‌یێن (الروافد، صدی الروافد، الرائد) دا هه‌بوو، وه‌ك رۆژنامه‌یێن وێژه‌یی ل باژێرێ مووسل دهاتنه به‌لاڤكرن، جه‌رجیسی ته‌وه‌رێن مێژوویی و سیاسی و چڤاكی و ره‌وشه‌نبیری و یاسایی ژی تێكڤه‌داینه، سه‌ره‌رایی كو پارێزه‌ره‌كێ چالاك بوو، لێ پرانیا گۆتارێن وی د رۆژنامه‌گه‌ریا عیراقیدا، گرنگیی ب بوارێ مێژوویی و سیاسی و چڤاكی دایه
