ئارکیۆلۆژیا و رۆمان رۆمانى (نەوەکانى مادایى) بەیان _ سەلمان بە نموونە

پوختە

رۆمانى نەوەکانى مادایى بەیان سەلمان بە نموونەى توێژینەوەکە وەرگیراوە. مرۆڤ بە سروشتى خۆى هەمیشە بەشێکى ژیانى بە ڕابردووەوە پەیوەستە. لێرەوە ئارکیۆلۆژیا و رۆمان هەمان ئەو رابردووە، لە ڕێگەى ئامراز و کەرەستەکانى خۆیانەوە، ئەو وێنەیە دەسازێنن. زۆرێک لە ڕۆماننووسان، ئاواتەخوازن لە ئارکیۆلۆژیاوە، چیرۆکێک بەرهەم بهێنن، کەوا گوزارشتکەرى رابردوو بێت، تیایدا بە شێوەیەکى کردارەکى گوزارشت لە یادەوەرییەکانى سەردەمێکى مێژوویى بکەن، ئەمەش یەکێکە لە هونەرسازى، کەوا لەنێوان رابردوو و ئێستادا پەیوەندییەک دەسازێنێ، لەم نێوەندەدا پاشماوەکانى ئارکیۆلۆژیا وەک کەتوارێک خۆ دەنوێنن.