ڕۆلێ بنەمایێن ده‌نگسازیێ د وەرارا سه‌روایا هۆزانا كوردیدا هۆزانێن کرمانجییا ژۆری وەک نموونە

پوختە

ده‌نگسازى ئێكه‌ ژ ئاستێن زمانى وڕۆله‌كێ باش دبینیت ژ دیاركردنا ده‌نگێن گشتى و ده‌نگێن تایبه‌ت ب زمانه‌كێ دیاركریڤه‌، د ئه‌ڤێ ڤه‌كۆلینێدا مه‌ هه‌وڵدایه‌ رۆلێ ده‌نگسازیێ د بوارێ ئه‌ده‌بێدا دیار بكه‌ین ب تایبه‌تى د هۆزانێدا، فۆن و فۆنیم وه‌كو پێكهێنه‌رێن سه‌ره‌كیێن ده‌نگسازیێ د بوارێ زمانڤانیێدا رۆلێ ئه‌وان هاتیه‌ دیاركردن و گه‌له‌ك ڤه‌كۆلین ل سه‌ر هاتینه‌ ئه‌نجامدان، به‌لێ ڕۆلێ ئه‌وان د بوارێ ئه‌ده‌بیدا وه‌ك پێدڤى كار ل سه‌ر نه‌هاتیه‌كردن.

د ئه‌ڤێ ڤه‌كۆلینێدا مه‌ ڕۆلێ فۆن وفۆنیم د ئاڤاكردنا سه‌روایێ د هۆزانا كوردیدا ل قۆناغێن جودا دیاركردییه‌، بۆ ئه‌ڤێ مه‌به‌ستێ ژى هنده‌ك نموونێن هۆزانێ وه‌كو كه‌ره‌سته‌یا ڤه‌كۆلینێ هاتینه‌ شڕۆڤه‌كردن، ئه‌ڤ ڤه‌كۆلینه‌ ژ بلى پێشه‌كى و ئه‌نجامان چه‌ند سه‌ره‌ بابه‌ته‌كێن دی ب خۆڤه‌ دگریت.