ڕەنگڕێژكردنی جووت ڕێچكەی ڕیالیزمی شۆڕشگێڕی و ڕیالیزمی سۆشیالیستی لە ڕۆمانی (پێشمەرگە)ـى ڕەحیمی قازی دا

پوختە

ئەم توێژینەوەیە لەژێر ناونیشانی "ڕیالیزمی شۆڕشگێڕی و ڕیالیزمی سۆشیالیستی لە ڕۆمانی پێشمەرگە ــی ڕەحیمی قازی دا" دایە. ئامانجمان دیاریکردنی پێگەی هەردوو ڕێچکە کەتوارییەکەیە لە دووتوێی ڕەخنەی ئەدەبی کوردیدا، پاڵپشت بە نموونەی دەقێکی ئەدەبی. ڕێچکەی ڕیالیزمی شۆڕشگێڕی و ڕێچکەی ڕیالیزمی سۆشیالیستی، لە پێشتردا لە چوارچێوەی ڕۆمانی پێشمەرگەدا توێژینەوەیەکی وردییان لەبارەیەوە ئەنجام نەدراوە. ئەم توێژینەوەیەش جەخت لە پێوەندی نێوان ڕەخنە و تیۆر و ڕێباز و قوتابخانە ئەدەبییەکان دەکاتەوە بە ژانری ڕۆمانەوە، بە دیاریکراوی ڕۆمانی پێشمەرگە ــی ڕەحیمی قازی.