هزر و بیرێن بەرگری د هۆزانێن (حاجی قادرێ كۆیی) دا

پوختە

ئەدەبی بەرگری پشكەكا گرنگە ژ ئەدەبێ نڤیسێ كوردی، چونكە هندەك ژ هۆزانڤانێن مللەتێ مە ئەڤـ جۆرە هۆزانە د بەرهەمێن خۆدا ئاماژە پێكریە و هاتینە بەڵاڤكرن. ئێك ژ وان هۆزانڤانێن بە رنیاس و بناڤـ و دەنگ (حاجی قادرێ كۆیی) یە. ئەم دڤێ ڤەكۆلینێدا دێ رۆناهیێ بەردەینە سەر ناڤەرۆكێ وان هۆزانا ئەڤێن هزر و بیرێن بەرگری تێدا دیار و خویانە.

• ناڤـ و نیشانێن ڤەكۆلینێ :

هزر و بیرێن بەرگـری د هۆزانێن حاجی قادرێ كۆیی دا.

• رێبازا ڤەكۆلینێ :

دڤێ ڤەكۆلینێدا، رێبازا وەسفی شرۆڤەكاری هاتیە پەیڕەوكردن.

• گرنگییا ڤەكۆلینێ:

گەلەك ڤەكۆلینێن جۆراوجۆرێن ئەدەبی دەربارەی حاجی قادرێ كۆیی هاتینە ئەنجامدان. گرنگییا ڤێ ڤەكۆلینێ دهندێدایە، كو بشێوەكێ نوی بەرێ خۆدایە هزرا بەرگری د هۆزانێن هۆزانڤانیدا و سەر راوەستیان هاتیەكرن بەرامبەر وان پارچە هۆزانا ئەڤێن هەلگرێن ناڤەرۆكێن بەرگری بخۆڤە دگرن.