هەڤرکییا لسەر دەستهەلاتا میرگەها بەهدینان دناڤبەرا قوباد بەگ و بەهرام بەگ دا ١٥٧٦ -

الملخص

هەڤرکییێن دەستهەلاتێ دناڤبەرا ئەندامێن بنەمالێن دەستهەلاتداردا د دیرۆکا میرگەهێن کوردیدا
بیاڤەکێ بەرفرەه بخۆ ڤەدگریت، نەخاسمە لسەردەمێ عوسانى، و ژبەر حەزا بلەز یا ب سەرداگرتنا
دەستهەلاتێ ل میرگەها بەهدینان کا چاوان وى سەردەمى دناڤ میرگەهێن کوردى دا کارەکێ بەربەلاڤبوو،
د چەرخێ شازدێ دا درێژترین و دژوارترین هەڤرکى دناڤبەرا هەردوو کورێن سولتان حسێنى ) ١٥٣٣ -
١٥٧٣ ( قوباد بەگ و بەهرام بەگ دا پەیدابوو ئەوا بۆ ماوەیێ نەه سالان ڤەکێشاى و ئەنجامێن خراپ
یێن سیاسى وجڤاکى بۆ میرگەهێ ل پاش خۆ هێلاین، هەرچەندە ڤەکۆلەران گرنگى دایە ب بابەتێ
هەڤرکییێن ناڤخۆیی لێ ژبەر بەردەست نەبوونا ژێدەرێن رەسەن هەتا ڤى سەردەمى ژى راستیێن
دیرۆکى دەربارەى هەڤرکییێن ناڤخۆیی یێن میرگەهێن کوردى ب گشتى وب دیارکرى د ناڤبەرا
میرێن بەهدینان نە گەهشتنە بەردەستێ خواندەڤانان. ئەڤ ڤەکۆلینە ل ژێر رۆناهییا بەلگەنامەیێن
فەرمى یێن دەولەتا عوسانى ژ دەفتەرێن موهیمە وتۆمارێن جودا جودا و ژێدەرێن رەسەن یێن وەک
شەرەفنامەیا شەرەفخانێ بدلى پێکولێ کەت راستییا هەڤرکییا د ناڤبەرا قوباد بەگ ) ١٥٧٣ - ١٥٨٥ (
میرێ بەهدینان و برایێ وى بەهرام بەگ بزانیت، و دێ وان فاکتەران بەرچاڤ وەرگریت ئەوێن بووینە
پالپشت بۆ ڤێ هەڤرکییێ، ول داویێێ ئەنجامێن وێ سیاسى وجڤاکى ڤەکۆلیت.