ناوی هه‌ولێر له سه‌رچاوه كۆنه‌كاندا
:
https://doi.org/10.56422/ka..53.130:
هه‌ولێر ، ده‌قه مێخییه‌كان، ئه‌ربائیلۆ ، ئوربیلوم ، ئوربیلپوختە
ئه‌و توێژینه‌وه‌یه باسی پێگه‌ی جوگرافی شاری هه‌ولێر و ناوه‌كه‌ی له سه‌رده‌مه جیاوازه‌كانی مێژوودا ده‌كات، شاری هه‌ولێر مێژووێكی زۆر كۆنی هه‌یه تاوه‌كو ئێستا به دروستی نازانرێت، به‌ڵام بۆ یه‌كه‌مین جار ناوهێنانی ده‌گه‌ڕێته‌وه بۆ سه‌رده‌می ئه‌كه‌دییه‌كان، پاشان له سه‌رده‌می گووتییه‌كان به‌ڕوونی له‌لایه‌ن پاشاكان ئاماژه به هێرشكردن كراوه بۆ سه‌ر شاری هه‌ولێر، بنه‌ماڵه‌ی ئووری سێیه‌م له چه‌ند تێكستێك ناوه‌كه‌ی به(ئوربیلوم) هاتووه، له سه‌رده‌می بابلی كۆن و ئاشووری كۆن و ناوه‌ڕاست ناوه‌كه‌ی هاتووه، ئه‌وه‌ی جێگای سه‌رنجه له سه‌رده‌می ئاشووری نوێ ناوه‌كه‌ی به(ئه‌ربائیلو) هاتووه زۆر له مێژوونووسان ناوی هه‌ولێریان گێڕاوه‌ته‌وه بۆ ئه‌و سه‌رده‌مه به شاری چوار خواوه‌ندیان ناساندووه، ئه‌وه‌ش هه‌ڵه‌یه چونكه ئه‌و ناوه ته‌نها له‌و سه‌رده‌مه به‌كار هاتووه، ده‌ربڕینێكه ئاشوورییه‌كان بۆ زۆرێك له شاره‌كانی وڵاتی دووڕووبار به‌كار هاتووه به‌شێوه‌ی كورتكراوه، له سه‌رده‌می هه‌خامه‌نیشی ناوی به (ئه‌ربیرا) هاتووه، له سه‌رده‌می یۆنانییه‌كان ناوه‌كه به(ئه‌ربێلا) هاتووه، پاشان به گوێره‌ی سه‌رده‌مه‌كان ناوه‌كه هه‌ندێك گۆڕانكاری به‌خۆی دیوه تا بۆته هه‌ولێر، له چوارچێوه‌ی توێژینه‌وه‌كه له‌سه‌ر بنه‌مای زانستی ئه‌و گۆڕانكاریانه خراوه‌ته ڕوو
