ڕەنگڤەدانا گرێیا ئودیپی د حیكایەتا ئەفسانەیا كوردیدا

پوختە

زانستێ دەروونی و نەخاسمە قوتابخانا دەروونشیكاری گرنگیەكا زۆر دایە بەرهەمێن ئەدەبی و چەندین ڤەكولین ل سەر رومان و شانوگەریان كرینە، پێخەمەت سەلماندنا هەبوونا گرێیا ئودیپ و بەرهەم كرینە بەلگەنامە، بۆ دروستیا بۆچوونێن خۆ، ب هەمان شێوە رەخنەگرێن ئەدەبیژی مفا ژ ڤێ ڤەدیتنا دەروونی دیتینە و تێكستێ ئەدەبی ئێخستیە ژێر پیڤەرێ گرێیا ئودیپ، ل دەستپێكێ بۆ ئاشكراكرنا دەروونی نڤیسەری، پاشی بۆ دیاركرنا كارتێكرنا بەرهەمی ب رێكا هەبوونا ڤێ گرێیێ ل سەر دەروونێ وەرگری و ل دوماهیێ لێگەریان ل ڤان ئاماژێن ب خۆدا، ڤەكولینا مە هەولەكە بۆ شروڤەكرنا حكایەتەكا ئەفسانەیی وەكو نموونە، ل دویڤ ئاماژە و زمانێ نەستێ، ئەوێ دەربرینێ ب شێوەیەكێ نەراستەوخۆ ژ گرێیا ئودیپی دكەت.