ڕۆڵی ژن لە ڕادیۆ كوردییەكاندا "بێژەری وەك نموونە"

توێژینەوەیەكی ڕووپێوییە بۆ ڕادیۆیيەكانی (دەنگی كوردستان، ڕادیۆی زاگرۆس)

پوختە

ئەم توێژینەوەیە هەوڵدانێكە بۆ دەستنیشانكردنی ڕۆڵ و كاریگەری و پێگەی ژنی كورد لە بواری  ڕاگەیاندن دا، بە تایبەت  لە ڕادیۆ كوردییەكاندا  و  پیشەی بێژەری  بە نموونە وەرگیراوە. جا بۆیە، ئامانج و ئەوەی زیاتر هاندەر بووە بۆ ئەنجامدانی ئەم توێژینەوەیە، بریتییە لە وەڵامدانەوەی ئەو پرسیارە: ئایا ژنانی كورد لە دەزگا  ڕادیۆییەكانی كوردستان ڕۆڵیان لە چ ئاستیكدایە؟ توێژینه‌وه‌كه‌  لە دوو  بەشی  تیۆری و یه‌ك به‌شی پراكتيكی و له‌ كۆتايیشدا ئه‌نجام و پێشنیاز و  راسپاردە و سه‌رچاوه‌كان پێكهاتوون‌. لە ڕووی میتۆدەوە، ئەم توێژینەوەیە، توێژینەوەیەكی وەسفییە، جۆری رێبازی  ڕووپێوییە، كۆمەڵگای ئەم توێژینەوەیەش پێكدێت لە (دەنگی كوردستان و ڕادیۆ زاگرۆس). لە ئەنجامی ئەم توێژینەوەیە و گەڕانەوەی فۆڕمەكانی ڕاپرسی و وەڵامەكانیان گەیشتینە چەند ئەنجامێك، لەوانەش:

• بێژەرانی ژن، ڕەگەزێكی سەرەكی ڕادیۆن و بە نەبوونی ژنانی بێژەر ڕادیۆ وەكوو شەكەت و جەستەیەكی بێ ڕۆح وایە.
• بێژەرانی ژن لە دەزگاكانی ڕاگەیاندن زۆرینەیان گەنجن و بە ئارەزووی خۆیان هاتوونەتە ئەم بوارە.