جۆراوجۆری زمانی لە ڕۆمانی (حیکایەتەکانی باوکم)ی فەرهاد پیرباڵدا
:
https://doi.org/10.56422/ka..55.175:
جۆراوجۆری زمانی، کۆزمانەوانی، کۆمەڵگای نموونیی، شێوازی دەربڕینپوختە
پوخته:
ئه‌م لێكۆڵینه‌ویه ده‌چێته بواری كۆزمانه‌وانی، هۆكاره‌كانی بوونی جۆراوجۆری زمانیی له گۆمه‌ڵگادا ڕوونده‌كاته‌وه، كه دیارده‌یه‌كه له ناو هه‌موو كۆمه‌ڵگاكانی مرۆڤایه‌تیدا بوونی هه‌یه، له‌به‌رئه‌وه‌ی هه‌موو كۆمه‌ڵگایه‌ك له‌ڕووی كۆمه‌ڵایه‌تییه‌وه پێكهاتووه له چه‌ندین چین وتوێژی كۆمه‌ڵایه‌تی و تاكه‌كا‌نی به‌گشتی برتین له ژن و پیاو و ته‌مه‌نی جیاواز و كه‌سی ڕۆشنبیر و جوتیار و نه‌خوێنده‌وار و ...تد، هه‌ر یه‌كێكیش له‌مانه زمانێكی تاڕاده‌یه‌ك جیاوازییان هه‌یه، كه به وشه و زاراوه تایبه‌ته‌كانیان ده‌ناسرێنه‌وه. لێكۆڵینه‌وه‌كه كۆمه‌ڵگایه‌كی نموونه‌یی وه‌رگرتووه، كه بریتییه‌له ڕۆمانی(حیكایه‌ته‌كانی باوكم)، تاوه‌كو بزانێ ئایا جۆراوجۆری زمانیی له زمانی كاره‌كته‌ره‌كانی ناو ڕۆمانه‌كه‌دا به‌رجه‌سته بووه؟ ئایا له ناو ڕۆمانه‌كه‌دا ژن وه‌كو ژن و پیاو وه‌كو پیاو و منداڵ وه‌كو منداڵ و ڕۆشنبیر وه‌كو ڕۆشنبیر قسه‌یكردووه؟ ئایا جیاوازی پیشه و پێگه‌ی كۆمه‌ڵایه‌تی و باری ڕۆشنبیری و ...تد كاریكردۆته سه‌ر زمانی كه‌سایه‌تییه‌كان؟ یاخود هه‌موویان به‌یه‌ك ڕیتم و شیواز و زمان قسه‌ده‌كه‌ن. لێكۆڵینه‌وه‌كه له دوو به‌ش پێكهاتووه، به‌شی یه‌كه‌م بۆ لایهنی تیۆری و به‌شی دووه‌م بۆ لایهنی پراكتیكی ته‌رخانكراوه.
